ЕР ЖІГІТТЕР ТУРАЛЫ АЙТЫЛҒАН БАБАЛАР ҰЛАҒАТЫ
▪️ Жомарт бергенін айтпас,
Ер айтқанынан қайтпас.
▪️ Ер азығы мен бөрі азығы – жолда.
▪️ Мал қонысын іздейді,
Ер жігіт туысын іздейді.
▪️ Ердің жақсысы - елімен ойласады,
Әйелдің жақсысы - ерімен ойласады.
▪️ Адам болатын жігіт алдымен өз нəпсісін билейді.
Сонан кейін ауылын билейді.
Ауыл билеген - аймағын билейді.
▪️ Пайдасы бар жігіттер - дария шалқар көлмен тең,
Пайдасы жоқ жігіттер - ем қонбайтын шелмен тең.
▪️ Ел болатын жігіттер -
Ел намысын жыртады.
Ел болмайтын жігіттер -
Елін ұрлап құртады.
▪️ Алғыр жігіт ақылына қарай іс қылар,
Олақ жігіт оңай жұмысты күш қылар.
▪️ Қойдан қойдың несі артық,
Қол басындай еті артық.
Ерден ердің несі артық,
Ойлап айтқан сөзі артық.
▪️ Бай болайын деген жігіт - айырбасшыл келеді,
Адам болайын деген жігіт - қарындасшыл келеді.
▪️ Болатын жігіт - епшіл,
Болмайтын жігіт - кекшіл.
▪️ Жаман болатын жігіт шегіншек келер,
Кедей болатын жігіт еріншек келер.
▪️ Емен ағаштың иілгені - сынғаны,
Ер жігіттің екі сөйлегені - өлгені.
#асыларна #asylarna #asylarnatelekanal #ер #жігіт #бабаларсөзі #мақал #ұлағат #нақылсөз
