Маңызды деректерді келтіріпті. 1986 жылғы желтоқсанның 16-сы күні түнімен халықты ертеңгі болатын шеруге жұмылдыру үшін нақты жұмыс жасаған Т.Жүргенов атындағы театр-көркемөнер институтының Құрманғазы Айтмұрзаев бастаған Бақтыбек Иманқожаев, Аманбай Қаметов, Үсіпхан Сейтімбетов есімді студенттері екен. Желтоқсан көтерілісіне байланысты біраз көркем туынды дүниеге келді. Деректі фильмдер түсірілді. Композиторлар ән арнады. Көптеген ақындар жыр жазды. Публицист қаламгерлер Талғат Айтбайұлы, Қайым-Мұнар Тәбей сынды азаматтар Желтоқсан көтерілісін нақты деректермен көрсететін бірнеше кітап шығарды.